CENTRO TREINAMENTO FUTEBOL JUVENIL TIMOR-LESTE
( CTFJTL) 
Address : Rua, Bairro Formossa, Xanana Sport Centre, Dili, Timor-Leste
No. Kontaktu : (+670)77345999 / 77735414
Email : centrofute638@gmail.com
Blog : ctfjtl.blogspot.com
--------------------------------------------------------------------------------------------------------------------------------------------------

PROFILE 

A. AGRADESEMENTU

Agradese bo'ot ba Aman Maromak tanba ho Nai nia tulun, to'o ohin loron Centro Treinamento Futebol Juvenil Timor-Leste, bele hetan grasa wain. 

Agradese mos ba Sr. Kim Shin Hwan, hanesan ema estranjeiru ida ne'ebe mai hela iha rai Timor-Leste no fo desportu ka futebol ba Timor oan to'o ohin loron. 

Agradese mos ba treinador Timor-oan sira, hanesan : 

1. Sr. Agostinho Mesquita Martins 

2. Sr. Lourenco da Costa 

3. Sr. Joao Manuel da Silva Araujo 

4. Sr. Gaspar Pinto 

ba sira nia kontribuisaun, dedikasaun, no sira nia tempo hodi lor-loron fo treinu ba atleta / jogador Centro Treiamento Futebol Juvenil TL hahu husi idade 8 to'o idade 16 iha kampo demokrasi/ kampo FFTL to'o ohin loron. 

Ami nia apresia no hakuak bo'ot ba Aman/Inan jogador sira no membru ezekutivu hotu ne'ebe fo ona kontribuisaun ba dezenvolvimentu Centro Treinamentu Fuebol Juvenil Timor-Leste nian.

Ami nia agradese mos ba Federasaun Futebol Timor-Leste (FFTL) ne’ebe fasilita ona Centro Futebol Juvenil Timor-Leste liu husi material, fatin no kampo.

Ikus liu ami nia agradese wain ba Governo RDTL liu husi Secretáriado de Estado da Juventude e do Desporto (SEJD) ho apoiu tomak mai Centro Futebol Juvenil Timor-Leste, no sai hanesan parseiru ne’ebe diak to’o ohin loron.

Centro Futebol Juvenil Timor-Leste, nakloke atu servisu ho se deit (Organizasaun sira no Instituisaun Governamental no laos-Governamental sira) ho konseptu harmonia paz no dame hodi kolabora iha hanoin diak atu halo netik buat ruma ba Povu no Nasaun Timor-Leste, liu husi área Desportu ka Futebol.

B. KRONOLOJIA
Anusiu husi hari’i Centro Treinamento Futebol Juvenil Timor-Leste (CTFJTL) ne’e la ses husi Sr. KIM SHIN HWAN hanesan ema estranjeiru ida ne’ebé mai hela iha rai Timor-Leste no fó nia kontribuisaun boot tebes ba rai no povu ida ne’e liuhusi área desportu ka futebol.

La’os Sr. Kim Shin Hwan mesak deit, maibe nia servisu hamutuk ho treinadór Timor-oan nain haat (4) mak hanesan: Sr. Agostinho Mesquita Martins, Sr. Gaspar Pinto, Sr. Lorenço da Costa no Sr. João Manuel da Silva de Araújo, ne’ebe lor-loron sira fó treinu ba labarik Timor-oan sira iha kampo FFTL, husi tinan walu to’o tinan sanulu resin neen (U8-U16).

Husi kontribuisaun boot KIM SHIN HWAN ho treinadór Timor-oan sira, tanba sira hare katak futuru futebol ne’e iha jogadór Timor oan sira hatudu ona ba iha Nasaun Asean tomak katak, futobolista Timor-oan sira mós iha talentu ida ke bo’ot hanesan nasaun seluk, nune’e mós iha Nasionál no iha mundu Internasionál.

Bainhira Sr. KIM SHIN HWAN tama iha rai Timor-Leste, hahú hosi fulan Marsu tinan 2001, nia hetan informasaun no nia hare realidade katak iha labarik Timor-oan barak mak gosta tebe bola. Iha tempu ne’ebá nia hare labarik ki’ikoan sira iha talentu bo’ot tebes kona-ba futebol, maibe bola laiha no mós la iha treinadór atu organiza sira.

Tan ne’e mak hala’o sorumutu dahuluk entre Sr. Kim Shin Hwan ho Vise Prezidente Federasaun Futebol Timor-Leste (FFTL), Sr. Filomeno Fernandes, Sr. Agostinho Mesquita Martins, Sr. Orlando Mendes, no Sr. Quintão no maun alin balu ne’ebé la temi naran iha ne’e, hanoin atu hasoru malu ho Prezidente da Repúblika Demokrátika Timor-Leste Sr. Kay Rala Xanana Gusmão.

Kim Shin Hwan konsegue hetan konsensu ida hodi halibur labarik sira hamutuk nain tolunulu (30) hodi hahú treinu futebol. Maske ho difikuldade barak mak Sr. Kim Shin Hwan ho Treinador Timor-oan nain tolu hasoru iha tempu ne’ebá, hanesan ekipamentu desportu menus hodi atu uza ba aktividade treinu, maibe la influénsia sira atu hakiduk ba kotuk, maibe fó tan ánimu ba sira hodi bele halo treinamentu futebol ba labarik sira ne’ebé mak halibur tiha ona. 

Centro Treinamento Futebol Juvenil Timor-Leste hetan legalidade husi Ministerio da Justiça iha loron 28 fulan Jullu tinan 2011, no sai hanesan parseiru Governo liu husi Secretária de Estado da Juventude e do Desporto (SEJD) to’o ohin loron.  

C. OBJETIVO

Ø  Objetivu Jeral : 

* Objetivo Jeral husi Centro Treinamento Futebol Juvenil Timor-Leste mak atu hadia dezenvolvimentu ba kaer kualidade futebolista, treinador, no arbitrajen iha Timor-Leste.

Ø  Objetivu Espesifiku : 

* Mantein estabilidade no lasu unidade ida maka’as entre jogador sira, 

* Hadia kualidade jogador liu husi esforsu koletivu ida iha area desportu, 

* Dezemvolve kapasidade, dezempenhu no hadia moris diak jogador sira nian;

* Iha relasaun ida di’ak ho organizasaun seluk no instituisaun nasoinal no estranjeiru sira  

D. VISAUN NO MISAUN 

Vizaun : 

* Promove talentu ba jogador Centro Treinamento Futebol Juvenil Timor-Leste (CTFJTL) sai profisionál. 

Misaun : 

* Centro Treinamento Futebol Juvenil Timor-Leste iha nia misaun atu hadia kualidade edukasaun treinamentu no prestasaun jogador nia, dedikasaun ba klubu sira, kompriensaun no implementasaun husi kódigo etíka jogadór nian. 

* Centro Treinamento Futebol Juvenil Timor-Leste iha nia misaun atu kontribui no mantein moris diak ida fisiku no espiritual, ba kompetisaun ida iha jogu entre klubu sira. 

* Iha area kooperasaun Centro Treinamento Futebol Juvenil Timor-Leste iha nia misaun atu iha relasaun diak ho Organizasaun sira no Instituisaun Governamental no laos Governamental sira. 

E. ORGANOGRAMA

Oras ne’e dadaun alem de iha Dili, CTFJTL estabelese ona ninia ramu iha munisipius 6 mak hanesan Baucau, Bobonaro, Covalima, Ermera, Lautem no Liquiça hodi fasilita treinamentu ba labarik no foinsa’e ho idade 8 – 16 anos hamutuk nain 970, ho numeru treinadores hamutuk nain 22, ne’ebe entre treinador sira ne’e nain 7 hetan ona sertifikasaun C hosi Asian Football Confederation (AFC). Kada munisipiu iha treinadores futebol nain 2, no entre sira nain 1 asume kargu hanesan Koordenador CFJTL munisipiu.

Atraves kongresu mak halao iha tinan 2017, CTFJTL eleita no forma (rekruta ka nomeia) ona ninia estrutura organizasaun ba periodu mandatu 2017 – 2022, ho kompozisaun:

1.       Presidente                                                    : Gregorio Correia

2.       Vice-Presidente I                                         : Jaime Ribeiro

3.       Vice-Presidente II                                        : João P. da Silva

4.       Secretario Geral                                           : Maria Canossa Soares

5.       Vice Secretario Geral                                   : Adelaide de Vasconcelhos

6.       Tezoureira                                                    : Honario de Jesus

Departamento: 

Departamento Treinador / Tekniku    : Agostinho Mesquita Martins 

Departamento Logistica                     : Joanico Pereira 

Departamento Dokumentasaun          : Martinho Baptista 

Departamento Angariasaun                : Ana Rozalia X. Varela 

Departamento Saude                          : Mateus Pinto 

Departamento Juridiku                       : Cancio Freitas 

Departamento Fiskalizasaun              : Elias dos Reis 

Koordenador Munisipius: 

Baucau                                                  : Adelino da Silva 

Bobonaro                                              : Justino C. Manice 

 Covalima                                             : Nuno G. Leite 

Dili                                                        : Agostinho M. Martins

Ermera                                                  : Julio Borges 

 Lautem                                                 : Bento dos Santos Conceição 

Liquica                                                  : Teodorito C.S. da Costa 

Conseleros: 

 Membro Governo tutela ba area Desporto 

FFTL 

Ismenio Martins da Silva 

Dulce G. Junior 

Germano da Silva 

 João Alves 

Kim Shin Hwan 

Teotonio Guterres 

SEREMONIA TOMADA DE POSE BA ESTRUTURA CTFJTL PERIODO 2017-2022

II KONGRESU NASIONAL CTFJTL, Husi Karuk ba Los : 1.) Presidente 2.) Vise Presidente I 3.) Vise Presidente II 4.) Secretariu Jeral 5.) Vise Secretariu Jeral. (Dili, 25-Maiu-2018) 

Presidente Centro Treinamento Futebol Juvenil Timor-Leste ( CTFJTL ) Periodu 2017-2022